भवन जीर्ण भएपछि श्रमदानबाट नै पाँच कोठे भवनको पुन निर्माण थालिएको छ । यसै महिना भवनको काम सक्ने गरी काम भइरहेको शारदा नगरपालिकाका प्रवक्ता तथा ११ न वडाध्यक्ष राजेश कुमार शर्माले जानकारी दिनु भयो । उहाँका अनुसार निर्माण सामाग्रीहरू, झ्याल, ढोका, सिमेन्ट, बालुवा तथा जस्तापाता लगायतका निर्माण सामाग्री नगरपालिकाले खरिद गरेको छ । जनप्रतिनिधि, नेपाल प्रहरी, नगर प्रहरी र स्थानीयले श्रमदान मार्फत भवन निर्माणको कार्य गरी रहेका छन् । विद्यालय भवन निर्माणको ३० प्रतिशत काम सकिएको नगरपालिकाले जनाएको छ ।
विद्यालयमा १४ विद्यार्थीले अध्ययन गरी रहेका छन् । बालविकासमा ६ जना, कक्षा १ मा ३ जना, कक्षा २ मा १ जना र कक्षा ३ मा २ जना विद्यार्थी अध्ययनरत रहेका छन् ।
