मुगु — धार्मिक तथा पर्यटकीय महत्व बोकेको छायाँनाथ क्षेत्रमा मुगुम कार्मारोङ गाउँपालिका को आयोजना तथा अल नेपालस्पोर्ट्स फाउन्डेसनको सहकार्यमा सम्पन्न ‘प्रथम छायाँनाथ अल्ट्रा रेस’मा पुरुषतर्फ धिरबहादुर बुढा र महिलातर्फ सुनमायाबुढा प्रथम भयका छन।
आइतबार बिहान ६ः४० बजे किम्रीबाट सुरु भएको ३३ किलोमिटर दूरीको प्रतियोगितामा १२ महिला र ४६ पुरुष गरी कुल ५८जना धावक सहभागी भएका थिए । धार्मिक तथा पर्यटकीय महत्व बोकेको रेस किम्रीबाट सुरु भएर छायाँनाथ, चिताइकुनाहुँदै पुलुमा पुगेर सम्पन्न भएको थियो ।
पुरुषतर्फ धिरबहादुर बुढाले ३ घण्टा ५७ मिनेट २५ सेकेन्डमा निर्धारित दूरी पूरा गर्दै प्रथम स्थान हासिल गर्नुभयो । दलबहादुरकुँवर ४ घण्टा २ मिनेट १० सेकेन्डमा दोस्रो तथा चन्द्रबहादुर रावत ४ घण्टा ५ मिनेटमा तेस्रो हुनुभयो । अर्जुन कुलुङ राई चौथोतथा रमेश लिम्बु पाँचौँ स्थानमा रहनुभयो ।
महिलातर्फ सुनमाया बुढाले ५ घण्टा २५ मिनेट ५० सेकेन्डमा दौड पूरा गर्दै प्रथम स्थान हासिल गर्नुभयो । राममाया बुढा दोस्रोतथा कल्पना बुढा तेस्रो हुनुभयो । सम्जेदा बुढा चौथो र निर्मला राई पाँचौँ स्थानमा रहनुभएको गाउँपालिकाका सूचनाअधिकारी सोबिन्द्र मल्लले जानकारी दिनुभयो ।
आयोजकका अनुसार प्रतियोगितामा सहभागीमध्ये २३ जना अन्तर्राष्ट्रिय मापदण्डका खेलाडी थिए । प्रतियोगितामा दुई जनाएलिट, पाँच जना इन्टरमिडिएट, नौ जना एड्भान्स तथा सात जना एक्सप्लोर वर्गका धावकको सहभागिता रहेको थियो ।
अल नेपाल स्पोर्ट्स फाउन्डेसन का संजय अधिकारीका अनुसार नेपालका प्रतिष्ठित दौड प्रतियोगितामा उत्कृष्ट प्रदर्शनगरिसकेका चर्चित धावकहरूको सहभागिताले प्रतियोगिता थप रोमाञ्चक बनेको थियो । एभरेस्ट, मञ्जुश्री, चाँगुनारायण, जुम्ला–रारा तथा रारा ट्रेल रनलगायत विभिन्न राष्ट्रिय तथा अन्तर्राष्ट्रिय म्याराथनमा विजयी खेलाडीहरू समेत प्रतियोगितामासहभागी भएका थिए । प्रतियोगिताको प्राविधिक सहयोग नेपाल एड्भेन्चर रनिङ महासंघ ले गरेको थियो ।
मुख्य अल्ट्रा रेससँगै स्थानीयस्तरमा पाँच किलोमिटर दूरीको ‘फन रन’ पनि सोमबार सञ्चालन गरिने आयोजकले जनाएको छ। प्रतियोगिताका लागि अनलाइन तथा अफलाइन दुवै माध्यमबाट दर्ता खुला गरिएको थियो ।
आयोजकका अनुसार सोमबार विजेताहरूलाई नगद पुरस्कार, मेडल तथा प्रमाणपत्र प्रदान गरिनेछ । महिला तथा पुरुषतर्फप्रथम हुनेले जनही दुई लाख रुपैयाँ, दोस्रो हुनेले एक लाख ५० हजार, तेस्रो हुनेले एक लाख, चौथो हुनेले ७५ हजार तथा पाँचौँहुनेले ५० हजार रुपैयाँ पुरस्कार प्राप्त गर्नेछन् ।
त्यसैगरी पाँच किलोमिटर ‘फन रन’तर्फ प्रथम हुनेलाई ३० हजार, दोस्रोलाई २० हजार र तेस्रोलाई १० हजार रुपैयाँ पुरस्कारप्रदान गरिनेछ ।
गाउँपालिकाका अध्यक्ष छिरिङ क्याप्ने लामाले छायाँनाथ क्षेत्रलाई धार्मिक तथा साहसिक खेल पर्यटनको अन्तर्राष्ट्रियगन्तव्यका रूपमा विकास गर्ने उद्देश्यले प्रतियोगिता आयोजना गरिएको बताउनुभयो । उहाँले यस्ता कार्यक्रमले स्थानीयसंस्कृति, प्राकृतिक सम्पदा तथा हिमाली जीवनशैलीलाई विश्वसामु परिचित गराउन सहयोग पुग्ने विश्वास व्यक्त गर्नुभयो ।
प्रतियोगिताले छायाँनाथ धामको धार्मिक, सांस्कृतिक तथा प्राकृतिक महत्वलाई राष्ट्रिय तथा अन्तर्राष्ट्रिय स्तरमा चिनाउनमहत्वपूर्ण भूमिका खेल्ने र स्थानीय पर्यटन, होटल व्यवसाय तथा आर्थिक गतिविधिमा सकारात्मक प्रभाव पार्नेगाउँपालिकाका प्रमुख प्रशासकीय अधिकृत सुवासचन्द्र रावलले बताउनुभयो ।
