हुम्लाको चंखेली गाउँपालिकास्थित वडा नम्बर ६ मेलथाम गाउँमा घर भत्किँदा एकजनाको मृत्यु भएको छ भने ६ जना पुरिएका छन्। आइतबार बेलुका ७ बजेतिर घटेको घटनामा घरभित्रै पुरिएकाहरूको कुनै जानकारी नआएको मेलथाम प्रहरीले जनाएको छ।

भत्किएको घर स्थानीय देउते कामीको रहेको जानकारी प्राप्त भएको छ। देउतेको परिवारमा रहेका ९ जनामध्ये २ जनालाई घाइते अवस्थामा उद्धार गरिएको र एक बालकको शव फेला परेको प्रहरीले जनाएको छ भने अरू सबैको अवस्था अज्ञात छ। nayapatrokadaily