काठमाडौं ,१ कार्तिक ।
काठमाडौंबाट खोटाङतर्फजाँदै गरेको टाटा सुमो सुनकोशी नदीमा खस्दा ३ जनाको मृत्यु भएको छ भने चार जना घाइते भएका छन् । तीन जना बेपत्ता छन् ।
आइतबार बिहान साढे २ बजे सिन्धुलीको फिकल गाउँपलिका–६ मा गाडी अनियन्त्रित भई सडकबाट करिब २०० मिटर तल सुनकोशी नदीमा खसेको जिल्ला प्रहरी कार्यालय सिन्धुलीले जनाएको छ ।
को. १ ज २९७६ नम्बरको सुमो गाडीमा चालकसहित १० जना सवार रहेको प्रहरीले जनाएको छ ।
चार जनाको उद्धार गरी उपचारको लागि अस्पताल पठाइएको प्रहरीले जनाएको छ ।
